Það er komin hefð fyrir því að elstu börnin okkar í Þ-hópum, leggi leið sína í Jólaþorpið í Hafnarfirði til að skreyta jólatré með skrauti sem þau búa til í leikskólanum. Þemað í ár var skógur og þau skreyttu grenigreinar sem þau hengdu á tréið fína í Jólaþorpinu.
Þau tóku með sér piparkökur og heitt kakó og skemmtu sér afar vel.
Aðventan hófst í gær og við hlökkum til að eiga notalegar stundir hér á Hjalla. Við brjótum upp hversdagsleikann með ýmsum uppákomum tengdum jólum í desember en gætum þess að börnin eigi hér skjól fyrir þeim ys og þys sem fylgir þessari árstíð og við fylgjum okkar frábæru röð, reglu og rútínu nú sem áður
Gleðilega aðventu!