Í dag fékk Hjalli gjöf frá Menntamálastofnun í samstarfi við Lions-hreyfinguna.
Þessi gjöf er einn liður í Þjóðarsáttmála um læsi og styður við undirstöðuþætti læsis. Hugmyndin að gjafapakkanum kemur frá sérfræðingum læsisverkefnis Menntamálastofnunar.
Um er að ræða áhugaverðan og spennandi námsefnispakka, en í honum eru spjöld með bókstöfum sem hægt er að nota á fjölbreyttan hátt. Einnig veggspjöld með bókstöfum og tölustöfum sem hægt er að hafa sýnileg í umhverfinu, bók með tónlistarleikjum, spjald með hreyfileikjum og léttlestrarbækur fyrir byrjendur í læsi.
Við erum afar þakklát og hlökkum mikið til að nýta okkur þetta frábæra námsefni.